Við vorum allar mjög ánægðar með gönguferðina, gaman að upplifa höfuðborgina á annan hátt en venjulega.

Úr bréfi frá kvennaklúbbnum Aþenu

Ágæta Birna

Þakkir skalt þú hafa frá mér og minni ektakvinnu fyrir frábæra og skemmtilega samveru í fræðslu- og skemmtigöngu um Skólavörðuhæðina og niður í Þingholt. Streitulaust fas þitt og léttur húmor á réttum stöðum gerði okkur þessa stund einkar ánægjulega.

Reykvíkingur er ég í húð og hár og man þá tíð þegar beljurnar í Grettisgötufjósinu voru reknar Bergstaðastrætið á leið í Vatnsmýrina og heim að kveldi. Ég er fæddur og uppalinn á Brennulóð nr. 12 við Bergstaðastræti og þekki vel til flestra staðhátt í Þingholtum og á Holtinu, ef frá er skilið gamla braggahverfið á hæðinni, sem nú er blessunarlega löngu horfið.

Tilvist bakgarðsins hjá Ófeigi og Hildi var frábær uppgötvun okkur til handa, innlegg virðingarvert af þinni hálfu og húsráðenda. Við vonum að þú haldir áfram göngu þinni, fólki til fróðleiks og skemmtunar.

Halldóra Jóhannsdóttir og Einar Gíslason, Hafnarfirði

Blessuð Birna

... Ég upplifði mig sem gest í ókunnri borg, átti ég þó heima á þessum slóðum um árabil. Það var svo ótrúlega margt sem ég ekki vissi um gamla hverfið mitt. Það rifjaðist upp fyrir mér hvað það var alltaf gott skjól í þessum þröngu götum.
Sjálf ólst ég upp í Skuggahverfinu, gekk í Miðbæjarskólann og skottaðist því um þessar götur sem krakki. En leiðsögn þín var heilmikil viðbót, t.d. vissi ég ekki að Gerður Helga hefði átt heima þarna og Nína Tryggva, eins var gaman að vera bent á húsið sem Jón Leifs bjó í og svo mætti áfram telja.
Vel að merkja: Ég alveg staðráðin í að fá mér fisk í Fiskbúðinni á næstunni!

Úr bréfi frá gesti